06 июн 10:28
Янгиликлар

Бокс/ММА, Кикбоксинг

Кикбоксинг. Жаҳон Кубогида 63 спортчимиз 50та медал қўлга киритди+ФОТО

Россиянинг Анапа шаҳрида кикбоксинг бўйича IX Жаҳон кубоги бўлиб ўтди.

Ушбу нуфузли мусобақада 100га яқин давлат кикбоксчилари қаторида 63 нафар спортчидан таркиб топган Ўзбекистон катталар ва ёшлар терма жамоаси аъзолари ҳам муваффақиятли тарзда иштирок этди.

Уч кунлик мусобақа якунида спортчиларимиз 22та олтин, 14та кумуш, 14та бронза, жами 50та медални қўлга киритишди. Беҳруз Нурхўжаев, Иброҳим Шаҳобиддинов, Шерали Мусаев, Ахмед Алимбеков сингари кикбоксчиларимиз шохсупанинг энг юқори поғонасига кўтарилиш баробарида Жаҳон Кубогининг энг яхши спортчиси деб ҳам топилишди.

Норасмий умумжамоа ҳисобида Ўзбекистон кикбоксинг терма жамоаси иккинчи ўринни эгаллади. Мезбонлар Россия терма жамоаси кутилганидек биринчи бўлди. Кеча кечқурун терма жамоамиз делегацияси Тошкентга қайтиб келди.