Кикбоксинг. Терма жамоамиз Анталиядан 5та медал билан қайтмоқда

Дунёнинг кўзга кўринган кикбокс усталари иштирок этган халқаро мусобақада Ойбек Нарметов бошчилигидаги ўзбекистонлик спортчилар ҳам медаллар шодаси учун баҳс олиб боришди. 

Туркия Очиқ чемпионатида иштирок этган кикбоксчиларимиздан 5 нафари шохсупага кўтарилди. 42 кг вазн тоифасида рингга кўтарилган навоийлик Назарбек Маҳмудов барча рақибларини мағлубиятга учратиб, олтин медални қўлга киритди. 

Жонибек Намозов (38 кг), Лазизбек Бегматов (57 кг), Шерзод Маҳмудов (63 кг) ва Наврўз Жуманазаров (71 кг) эса халқаро мусобақанинг бронза медали билан тақдирланишди. Спортчиларимиз бугун юртимизга қайтиб келишади.