17 янв 12:18
Янгиликлар

Дзюдо

Кокушикандаги машғулотлар якунланди, навбат Токаига!

Шу кунларда Ўзбекистон эркаклар терма жамоаси Япония пойтахти Токио шаҳрида халқаро ўқув-машғулот йиғинида иштирок этмоқда.

Терма жамоа бош мураббийи Алексей Будолин бошчилигида дзюдочиларимиз бир ҳафта давомида Кокушикан университети қошидаги дзюдо марказида Япония ва Туркия терма жамоалари билан биргаликда ўтказилган машғулотларда иштирок этишди. Бугун Кокушикандаги йиғин якунига етди.

Энди дзюдочиларимиз 19-24 январь кунлари оралиғида Токаи университетида машғулотларни давом эттиришади. Кунчиқар юртдаги сўнгги йиғин 24-30 январь кунлари оралиғида Нихон Университети қошидаги дзюдо марказида ташкил этилади.