Конькида югурувчи Данила Семериков Жаҳон кубогининг сўнгги икки босқичида иштирок этди

Унда Ўзбекистон терма жамоаси аъзоси Данила Семериков ҳам қатнашди. 30 ёшли спортчимиз масс старт дастурида музга чиқди ва 8:24.11 вақтда маррага етиб келиб. У 14 очко билан 18 спортчи орасида еттинчи натижани қайд этди.

Херенвендаги турнирдан олдин Семериков 21-23 февраль кунлари Польшанинг Томашув-Мазовецки шаҳрида ташкил этилган бешинчи босқич доирасида ҳам баҳсларга киришган эди. Масс старт ва 5000 м масофага кечган пойгаларда қатнашган Данила мусобақада мос равишда бешинчи ва йигирма еттинчи натижаларни қайд этганди.

ISU Данила Семериковнинг Ўзбекистон терма жамоасига ўтиши учун январь ойи охирларида рухсат берган эди. Шундан кейин спортчи Жаҳон кубогининг икки босқичида иштирок этишга улгурди. У кубокнинг якуний рейтингида масс старт дастурида 37, 5000 м масофага кечувчи пойга дастурида эса 54-ўринни эгаллади.

Ёдингизда бўлса, конькичи Харбин-2025 қишки Осиё ўйинларида ҳам 5000 м пойгаларида қатнашиб, олтинчи бўлганди.