Конкурчиларимиз мавсумнинг якуний мусобақасида беллашишди

Таъкидлаш жоиз, конкур йўналишидаги ушбу мусобақа байрамона руҳда ўтиб, беллашувлар орасидаги танаффус вақтида йиғилган меҳмонлар учун янги йил шукуҳини берувчи бадиий чиқишлар тақдим қилинди. Мазкур тадбир доирасида Ўзбекистон йилқичилик ва от спорти федерацияси раиси вазифасини бажарувчи Баҳромжон Газиев сўзга чиқиб, барчани кириб келаётган янги йил билан самимий қутлаб ўтди.

Об-ҳавонинг бироз ноқулай келишига қарамасдан чавандозларимиз ўз маҳоратларини намойиш қилишга муваффақ бўлишди. Уларнинг чиқишлари мухлисларда бир олам таассурот қолдирди. Мусобақанинг ғолиб ва совриндорлари федерациянинг қимматбаҳо эсдалик совғалари, медаль ва дипломлар билан тақдирланишди.