Конор билан бир оқшомда жанг қиладиган собиқ UFC чемпионининг янги рақиби эълон қилинди

Мусобақа доирасида яримоғир вазн тоифасида собиқ UFC чемпиони, америкалик Жамал Хилл ҳам октагонга чиқади.

Унга ўша куни яримоғир вазн рейтингининг олтинчи поғонасидаги Халил Раунтри рақиблик қилиши лозим эди. Бироқ Раунтрининг қон таркибида тақиқланган модда топилди ва у 2 ой муддатга дисквалификация қилинди.

Ташкилотчилар Жамал иштирокидаги жангни кардда сақлаб қолишди ва унга янги рақиб беришди. Эндиликда Хилл 29 июнь куни Карлос Ульберг билан жанг қиладиган бўлди.

Маълумот учун, Жамал Хилл фаолияти давомида 14 та жанг ўтказиб, 12 ғалаба ва 2 мағлубият қайд этган. Ульберг эса 11 та жангда 10 та ғалабага эришган, битта жангида мағлубиятни қабул қилиб олган.