Конор Макгрегор 2024 йилнинг энг яхши жангчиси ким эканини айтди

Ирландиялик аралаш яккакураш устасининг сўзларига кўра, яримоғир вазн тоифасида амалдаги UFC чемпиони Алекс Перейра вазн тоифасидан қатъи назар жорий йилнинг энг яхши жангчиси экан.  

"2024 йил Алекс Перейранинг йили бўлди. Буни ҳеч ким инкор қила олмайди. Мен Алексни биринчи ўринга қўяман. Ўйлашимча, у Жон Жонсга етарлича муаммо туғдира олади. Унинг жанг ўтказиш услуби Жон учун хавфли ҳисобланади. Жонснинг ўзи оғир вазн учун янги жангчи – у Сирил Ганга қарши яхши жанг ўтказди. Лекин ҳали у оғир вазн етакчилари синовида ўтказгани йўқ. Алекс Жон учун жуда муносиб рақиб. Мен бу жангни кўришдан бахтиёр бўлардим. Кимдир учинчи чемпионлик камари учун жанг қилиши керак-ку! Ўша мен ёки Алекс бўлади", - дея The Schmo нашрига интервью берган Конор. 

Эслатиб ўтамиз, Алекс Перейра якшанба тонгида Солт-Лейк-Сити шаҳрида ўтган UFC 307 турнирининг марказий жангида Халил Раунтрини тўртинчи раундда техник нокаутга учратиб, ўз чемпионлик камарини учинчи бор муваффақиятли ҳимоя қилган эди. Шунга қарамай, у P4P рейтингида россиялик Ислам Махачевдан ўзиб кета олмаганди.