15 авг 10:02
Янгиликлар

Бокс/ММА

Конор Макгрегор: “Жанг Мейвезернинг хушини йўқотиши билан якунланади”

Аралаш қоидалар бўйича енгил вазнда UFC чемпиони Конор Макгрегор америкалик боксчи Флойд Мейвезернинг устидан кулишда давом этмоқда.

Ирландиялик жангчи бу галги чиқишида Флойд кучли нокаутдан сўнг хушини йўқотиб қўйишини айтди.

“Шу пайтгача бир неча бор дунё аҳлини лол қолдириб келганман. Бу ишни 26 август куни яна бир бор амалга оширмоқчиман. Жанг Флойд учун ижобий якунланмайди. Мен уни чуқур нокаутга учратаман. У эса узоқ вақт хушига кела олмайди”, – деди Макгрегор.

Эслатиб ўтамиз, бокс қоидалари асосидаги ушбу жанг 26 август куни АҚШнинг Невада штати Лас-Вегас шаҳрида бўлиб ўтади. Жанг натижасидан қатъий назар ҳар икки спортчи 100 миллион доллардан гонорарга эга бўлишади.