15 июл 11:01
Янгиликлар

Бокс/ММА

Конор Макгрегор қайтаётганини эълон қилди

Икки вазнда собиқ UFC чемпиони Конор Макгрегор октагонга қайтиши ҳақида баёнот берди.

Ирландияликнинг америкалик Майкл Чендлерга қарши жанги айнан Конорнинг жароҳати сабаб бекор қилинганди. Макгрегорнинг айтишича, уларнинг жанги йил охиригача албатта ўтказилади. Бу ҳақда унинг ўзи ижтимоий тармоқдаги саҳифаси орқали хабар берди.

"Мен бугун Дана Уайт билан гаплашдим. Биз жангнинг янги санаси бўйича келишиб олдик. Ишонинг, ҳаммаси ажойиб бўлади! Жанг аниқ 2024 йилда ташкил этилади", - деб ёзди Макгрегор.

Эслатиб ўтамиз, Конор Макгрегор ва Майкл Чендлер ўртасидаги жанг 29 июнь куни Лас-Вегасда ўтган UFC 303 турнирининг марказий жанги бўлиши керак эди. Конор сўнгги бор 2021 йилнинг июль ойида жанг ўтказганди. У кеча, 14 июль куни 36 ёшга тўлди.