20 янв 09:38
Янгиликлар

Бокс/ММА

Конор Макгрегор: "У билан қўлқопсиз жангларда бажонидил реванш ўтказардим"

Ярим енгил (66 кг гача) ва енгил (70 кг гача) вазн тоифаларида собиқ UFC чемпиони Конор Макгрегор жангларни соғинган кўринади.

Ирландиялик 37 ёшли аралаш яккакураш устаси бокс бўйича бешта вазн тоифасида собиқ жаҳон чемпиони 48 ёшли Флойд Мейвезер билан қўлқопсиз жангларда реванш баҳсини ўтказиш истагини билдирди.

"Боксга яна қайтаманми? Албатта, бокс бўйича жанг ўтказаман. Мейвезер билан реванш? Ростини айтсам, мен у билан жон деб муштлашган бўлардим", - дея Макгрегорнинг сўзларини келтиради Bloody Elbow портали.

Ирландиялик 2021 йил июль ойидан бери аралаш яккакурашлар бўйича жанг қилмаган. Ўшанда у UFC 264 турнирида енгил вазн тоифасида собиқ вақтинчалик UFC чемпиони америкалик Дастин Порьега биринчи раунддаёқ техник нокаут (оёқ жароҳати сабаб) эвазига ютқазганди. Унинг профессионал рекорди 22 та ғалаба ва 6 мағлубиятдан иборат.