27 ноя 13:01
Янгиликлар

Бокс/ММА

Конор Макгрегор: "UFC'нинг бўлажак таланти — Баҳромжон Рўзиев, совға учун рахмат!"

Теглар : Конор Макгрегор Баҳромжон Рўзиев

Иккита вазн тоифасида UFC собиқ чемпиони, ирландиялик аралаш якка кураш устаси Конор Макгрегор ижтимоий тармоқлардаги саҳифаси орқали янги пост билан ўртоқлашди.

Хабар берганимиздек, Конор Макгрегор айни дамда Бирлашган Араб Амирликларининг Дубай шаҳрида машғулот олиб бормоқда. Ҳамюртимиз Баҳромжон Рўзиев ҳам машғулотларда спарринг шерик сифатида Конорга ёрдам бермоқда.

Рўзиев шанба кунги машғулотлар чоғида Макгрегорга ўзбек чопонини совға қилди. Конор эса бунга қуйидагича изоҳ берди:

"Шанба оқшомида истеъдодлар жамоаси билан спарринг! Дўстим, UFC'нинг бўлажак таланти Баҳромжон Рўзиев, сизга анъанавий Ўзбекистон либосларини совға қилганингиз учун раҳмат, менга ёқди! Бу менга Дольче Габбанани эслатади! Иш учун раҳмат йигитлар!".

Миш-мишларга қараганда, Конор Макгрегор фаолиятидаги кейинги жангини 2024 йилнинг апрель ойида, UFC'нинг юбилей, 300-мусобақасида ўтказади.