Конор Макгрегор: Уруш ҳали тугагани йўқ!

Ирландиялик жангчи Флоридада бизнес-тренер Тони Робинсга интервью берар экан, ўша жангдаги хатоларини санаб беришга ҳам ўзида куч топа олди. 

"Тони, ишон, ҳали уруш якунлангани йўқ. Агар такрорий жанг ўтказилмас экан, бу менинг айбим бўлмайди. Хабиб ва унинг жамоаси реваншдан қочяпти. Мен эса октагонга чиқишга ҳамиша тайёрман.  

Мен ўз хатоларимни биламан. Энг катта камчлигим жангга руҳий томондан етарлича тайёргарлик кўра олмаганим бўлган. Миям октагондан ташқари нарсалар билан банд эди. Кейин оёғимдан олган жароҳат ҳам панд берди. Жароҳат сабаб машғулотларда югура олмасдим. Югурмаганингиздан кейин вазн ошиб кетади. Вазн ташлайман деб 48 соат ухламадим. 

Лекин бу гаплар ҳозир кимга қизиқ? Ўзимни худди оқлагандек бўлиб қоламан. Аммо, мен билган ҳақиқатлар аслида шу. Кейин Хабибнинг омади ҳам келди", - деди Конор.