Конор матбуот анжуманига кеч қолди, Хабиб эса уни кутиб ўтирмади

Эътиборлиси, Макгрегор ушбу тадбирга кечикиб келди. Ўз ўрнида россиялик жаҳон чемпиони рақибини кутиб ўтирмади ва ўзи журналистлар билан савол-жавобга киришди. 

“Мен ҳеч кимни кутиб ўтирмайман. Белгиланган вақт бўлди ва марҳамат қилиб саволларингизни беришингиз мумкин. Мен жавоб беришга тайёрман. Конорнинг келмаганидан ҳайрон қолдим. Очиғи, у ҳақида ўйлаётганим ҳам йўқ. Менинг ўз жадвалим бор: матбуот анжуманини бошласак ҳам бўлади. Ҳар ким ўзи ҳақида қайғуриши керак. Нима учун, мен Конорни ўйлашим керак? Кимдир кечга қолаётган экан, демак, бу унинг муаммоси”, – деди Нурмагомедов.

Эслатиб ўтамиз, Нурмагомедов – Макгрегор жанги эртага (бизнинг вақт билан якшанба куни тонгда) АҚШнинг Невада штати Лас-Вегас шаҳрида бўлиб ўтади.