Конорга спарринг шерик бўлган ҳамюртимиз нуфузли ММА Лигаси билан шартнома имзолади

Бу ҳақда спортчи ўзининг Instagram тармоғидаги саҳифасида маълум қилди.

"Ассалому алайкум Халқим. Мен бугун дунёнинг нуфузли ва катта промоушенларидан бири — LFA билан шартнома имзоладим. Биз мақсадимиз сари яна бир қадам яқинлашдик. Насиб қилса, яқин кунларда жангимиз санаси аниқ бўлади ва сизлар билан буни улашаман. Бу юриш мен учун жуда катта имкониятлар эшигини очади ва мен бунга ишонаман. Халқим, сизларнинг қўллаб қувватлашингиз биз спортчилар учун жуда катта куч беради. Биз юртимиз байроғини бутун дунё узра кўтариб, сизларни Аллоҳ қодир қилганча чиройли ғалабалар билан хурсанд қилишда давом этамиз. Олға Ўзбекистон", деб ёзган Рўзиев.

Баҳромжон фаолияти давомида ҳозиргача 9 та жанг ўтказиб, 7 та ғалаба, 1 тадан мағлубият ва дуранг қайд этган.