Конья-2021. Эркин ва аёллар кураши бўйича баҳслар старт олди + ФОТОГАЛЕРЕЯ

Бугундан эркин кураш ва аёллар кураши баҳслари ҳам старт олди.

Токио Олимпиадаси иштирокчиси Ғуломжон Абдуллаев финал йўлланмасини қўлга киритди. У кечки дастурда олтин медаль учун гиламга чиқади.  

Аёллар кураши беллашувларида -50 кгда юртимиз шарафини ҳимоя қилган Жасмина Имаева ҳам финал чиптасини қўлга киритди.  

Шунингдек, Рио Олимпиадаси совриндори Магомед Ибрагимов бронза медали учун баҳс олиб боради. 

Эркин кураш бўйича ўсмирлар Олимпиадаси ғолиби Умиджон Жалолов ярим финалда Олимпия ўйинлари совриндори, жаҳон чемпиони озарбайжонлик Хожи Алиевга 0:4 ҳисобида имкониятни бой бериб қўйди. Энди спортчимиз кечки дастурда бронза медали учун эронлик курашчига қарши баҳс олиб боради.

Спортчиларимизнинг баҳсларидан олинган суратларни томоша қилинг: 

Суратлар муаллифи: ҲасанПайдоев