Конья-2021. Содиқова, Осипова ва Жайсунов ярим финалда + ФОТОГАЛЕРЕЯ

Бугунги кунга белгиланган баҳсларда таэквандочиларимиз ҳам муваффақиятли иштирок этяпти.

-62 кггача бўлган вазн тоифасида Феруза Содиқова чорак финалда иорданиялик Лен Алварашдехни яққол устунлик билан енгиб, ярим финал йўлланмасини қўлга киритди. Демак, спортчимизда камида бронза медали бор.

-74 кггача бўлган вазнда Жасурбек Жайсунов чорак финалда озарбайжонлик Маҳаммад Маммадовни мағлуб этиб, ярим финалга чиқди.

+73 кг вазнда Светлана Осипова сетка бўйича тўғридан-тўғри ярим финал йўлланмасига эга чиқди. Шу тариқа, бизда камида кафолатланган учта медаль бор. Фақат уларнинг рангларини спортчиларимиз аниқлаб беришади.

+87 кггача бўлган вазн тоифасида юртимиз шарафини ҳимоя қилган Шоҳруҳ Ражабов эса афсуски, эронлик Алиризо Жоайбари Надалианга чорак финалда имкониятни бой бериб қўйди. 

Спорчиларимизнинг баҳсларидан олинган суратларни томоша қилинг:

Суратлар муаллифи: Анвар Ильясов