09 авг 12:52
Янгиликлар

Сув спорти турлари

Конья-2021. Уч нафар пара сузувчимиз медаллар учун курашади, Бойназаров 2 та йўналишда финал йўлланмасини қўлга киритди

Ҳозиргина Коньяда бўлиб ўтаётган V Ислом бирдамлиги ўйинларининг пара сузиш баҳсларида 50 метрга эркин ҳамда 100 метрга брасс усулида сузиш бўйича саралаш беллашувлари якунланди.

Эътиборлиси, 50 метрга эркин усулда сузиш бўйича Азизбек Бойназаров ҳамда Абдулазиз Хайруллаев финал йўлланмасини қўлга киритди. 100 метрга брасс усулида сузиш бўйича баҳсларда ҳам Азизбек Бойназаров маррага биринчи бўлиб етиб келган ҳолда финал йўлланмасига эга бўлди. Бундан ташқари, худди шу йўналишда яна бир ҳамюртимиз – Султонбек Нуриддинов ҳам саралашдан муваффақиятли ўтиб, финалда қатнашиш ҳуқуқини қўлга киритди.

Аввалроқ, мусобақанинг очилиш маросими бугун бўлиб ўтиши ва байроқдорларимиз ким бўлиши ҳақида хабар берган эдик.