11 авг 20:55
Янгиликлар
Кураш
Конья. Курашчимиз Актенге Кеунимжаевада кумуш медаль + ФОТОГАЛЕРЕЯ
Айни дақиқаларда Конья шаҳри мезбонлигида ўтаётган Ислом бирдамлик ўйинларининг эркин ва аёллар кураши бўйича финал беллашувларига гувоҳ бўляпмиз.
Бироз аввал аёллар ўртасидаги финал баҳсида курашчи-қизимиз Актенге Кеунимжаева (-53 кг) озарбайжонлик кучли рақибаси Лейла Гурбановага қарши гиламга чиқди. Сўнгги сониягача кескин кураш остида кечган учрашувда -53 кг вазн тоифасида биринчи рақам остида сараланган Гурбанова ғалаба қозонди.
Шу тариқа, Актенге Кеунимжаева терма жамоамизга навбатдаги кумуш медални тақдим этди. Вакиламиз бу вазнда олтинчи рақам остида ҳаракат қилганди.
Бундан ташқари, Зафарбек Отахонов (-70 кг) Гвинея Бисау давлати курашчиси Дум Бакарга қарши бронза медали учун кечган учрашувда аламли тарзда мағлубият аламини тотиб кўрди.
Ушбу баҳслардан олинган суратларни томоша қилинг:
Суратлар муаллифи - Анвар Ильясов
Ҳавола :
Манба : olamsport.com
Фикрлар