Конья: Стол тенниси. Жамоавий биринчилик Ўзбекистон - Бангладеш - 3:0

Ҳамюртларимиз бугун яккалик баҳсларида ҳам жуфтлик баҳсларида ҳам рақибаларига имкон қолдиришмади. Кеча ушбу баҳслар доирасида стол теннисчиларимиз эронлик рақибаларига 0:3 ҳисобида мағлубиятга учрашган эди.

Бугун ўзларига келиб олган ҳамюртларимиз Бангладеш терма жамоасини 3:0 ҳисобида доғда қолдиришди. Марҳабо Магдиева ҳамда Сўғдиёна Мадалиевалар яккалик баҳсларида ғалаба қозонишган бўлса, Норқулова/Мадалиева иккилиги жуфтлик баҳсларида рақибаларига имкон қолдиришмади, 3:0. Шу тариқа ҳамюртларимиз ярим финалга йўл олишди. Ярим финалда теннисчиларимизга эртага Туркия терма жамоаси рақиблик қилади.