Коньядан хушхабар: V Ислом бирдамлиги ўйинларида илк олтин медаль!

Велотрекнинг очколар пойгаси йўналишида ўтган баҳсда ҳамюртимиз Ольга Забелинская энг яхши натижа билан чемпионликни тантана қилди.

Шунингдек, мазкур йўналишда старт олган бошқа бир вакиламиз Янина Кускова яна бир кумуш медалга сазовор бўлди. У кечаги баҳсларда ҳам кумуш медаль соҳибасига айланган эди.

Шу тариқа, V Ислом бирдамлиги ўйинларида Ўзбекистон терма жамоаси ҳисобидаги медаллар сони 5 тага етди: 1 та олтин, 2 та кумуш, 2 та бронза.