Кореяда Бутунжаҳон жанг санъатлари фестивали давом этмоқда ФОТОГАЛЕРЕЯ

Куннинг биринчи ярмида эркаклар ва аёллар ўртасида саралаш баҳслари бўлиб ўтди. Унда иштирокчилар шахсий ҳисобда эркин ва қурол билан машқларни бажаришди. Саралаш баҳсларида иштирок этган 64 нафар спортчидан 40 нафари финал босқичига йўл олди. Финал мусобақаси 4 сентябрь куни у́тказилади. 

Куннинг иккинчи ярмида эса дастлаб икки кишилик беллашувлар ўтказилди. Унда жами 21 та жуфтлик у́з маҳоратини намойиш қилди. Мазкур мусобақада Ўзбекистондан иккита дуэт иштирок этди.  

Эътиборлиси, қизғин кечган баҳслар якунига кўра ҳар икки жуфтлигимиз ҳам финал  босқичига чиқди. Севинч Ўролова ҳамда Жаҳонгир Нурматов дуэти 93 000 балл билан саралаш мусобақасини иккинчи ўринда якунлади. 

Зуҳра Умрзоқова ва Жасур Аҳмаджонов жуфтлиги эса 92 333 балл билан бешинчи бўлди. Мусобақада, шунингдек, Хитой, Филиппин, Вьетнам, Индонезия ва Малайзиядан жами 10 та жуфтлик финал босқичига чикди. 

Ҳал қилувчи мусобақа 4 сентябрь куни у́тказилади. Бугун жамоавий ҳисобда ҳам саралаш мусобақалари ўтказилади. Унда жами 18 жамоа финал йўлланмаси учун куч синашади. Жамоавий баҳларда Ўзбекистон жамоаси 12 нафар спортчи билан иштирок этади.

Шавкат Жалилов тайёрлади (Чунжу, Жанубий Корея)