Кореяда Бутунжаҳон жанг санъатлари фестивали старт олди

Қарийб бир ҳафта давом этадиган мазкур спорт анжуманида дунёнинг 50 га якин давлати вакиллари совринли ўринлар учун кураш олиб борадилар. Улар орасидан мамлакатимизнинг Ўзбек жанг санъати терма жамоаси ҳам бор. 

Бутунжаҳон жанг санъатлари фестивалининг очилиш маросими ҳақиқий байрамона руҳда ўтди. Тадбирда сўзга чиққанлар ушбу фестивалнинг спорт оламида тутган ўрни ва аҳамияти ҳақида тўхталиб, барча иштирокчиларга бўлажак мусобақаларда омад ва зафар тилашди. 

Шундан сўнг очилиш маросими учун тайёрланган мусиқий ва театрлаштирилган саҳна кўринишлари намойиш этилди. 

Эслатиб ўтамиз, 2017 йил бўлиб ўтган фестивалда мамлакатимиз спортчилари умумжамоа ҳисобида фахрли 1-ўринни эгаллашган эди.