23 мар 13:19
Янгиликлар

Бокс/ММА

Кори Андерсон - яримоғир вазн тоифасида янги Bellator чемпиони!

Шимолий Ирландиянинг Белфаст шаҳрида Bellator промоушенининг навбатдаги турнири бўлиб ўтди.

Champions Series доирасидаги турнирнинг марказий жанги яримоғир вазн тоифасида ўтказилиб, унда Кори Андерсон вакант бўлиб турган Bellator чемпионлик камари учун мезбонлар вакили Карл Мурга қарши октагонга чиқди. Ушбу камар россиялик Вадим Немков томонидан эгасиз қолдирилганди.

Беш раунд тўлиқ давом этган чемпионлик жангида тажрибали Кори Андерсон ҳакамларнинг якдил қарори билан 50-45, 49-46, 49-46 ҳисобларида ғалаба қозонди ва яримоғир вазнда Bellator камарининг янги соҳибига айланди. Мур биринчи ва учинчи раундларда муддатидан аввал ғалаба қозониш учун яхшигина имкониятга эга бўлганди, аммо ўз муваффақиятини ривожлантира олмади.