Кормье кўча жангида Майк Тайсонни мағлуб этишини айтди

"Бу жангда ғалаба қозонган бўлардим. Мен ҳамма билан жанг қила оламан. Кўча жангида шишани олиб, ҳар қандай ҳолатда ишлатишинг мумкин. Мен Майкни яхши кўраман, у менинг яқин дўстим ва унга ҳеч қачон ёмонлик қилмайман. Буни айтишимнинг сабаби бундан завқ олаяпман", — деди Кормье.

Эслатиб ўтамиз, 30 июнь куни Майк Тайсон 56 ёшни қарши олди. У 1985 йилдан 2005 йилгача профессионал боксда 58 та жанг ўтказиб, 50 тасида ғалаба қозонган ва 6 тасида мағлубиятга учраган.

Кормье эса 2020 йилда UFCʼдаги фаолиятини якунлаган. Ҳозирда у ESPN каналида шарҳловчиси сифатида ишламоқда.