Кормье Махачев учун Топурия билан эҳтимолий жангдаги асосий муаммони айтди

"Ислам Топурияга чемпионлик имкониятини бериши шарт эканлигига ишончим комил эмас. Агар Махачев уни мағлуб этса, одамлар унинг Волкановски, Топурия, Оливейра ва Мойканони енгганини айтади — бу чемпионлик жангларида бешта муҳим ғалаба ҳисобланади. Бироқ, шу билан бирга, Ислом камарини уч марта ярим енгил вазн тоифасидаги жангчиларга қарши ҳимоя қилганини ҳам гапиришади.

Илия олдин пастроқ вазн тоифасида чемпион бўлгани ҳақидаги гаплар, Ислам уни мағлуб этган заҳотиёқ пайдо бўлади. Бизда ҳукмрон чемпион бўлганда, унинг ютуқларини шубҳа остига қўйишга уринадиганлар чиқади. Бу ҳамиша такрорланиб келган: «О, у ярим енгил вазн жангчисини ва рейтингда пастроқ турган бир йигитни мағлуб этди». Одамлар камчиликларни топишга ҳаракат қилишади. У дунёдаги энг кучли жангчи ва биз бунга ҳурмат билан ёндашишимиз керак", - деди Кормье.