Кормье Махачев ва Оливейра жанги ҳақида: "У чемпионлик учун навбатдаги даъвогар"

"Оливейра ва Махачев ўртасида жанг ташкил қилишимиз керак. Шундай бўлишини хоҳлайман. Бенеил Дариуш ҳозир жароҳат олган. Демак, Чарльз ва Ислам ўртасидаги жанг октябрь ойида Абу-Дабида ташкил этилиши керак.

Абу-Даби турнири аллақачон режалаштирилган. Шунинг учун бу тўқнашувни ташкил этиш ва енгил вазнда дунёнинг энг яхши жангчиси ким эканлигини аниқлашга имкон бериш вақти келди.

Бенеил Дариушни ҳам эътибордан четда қолдирмадим. Мен Дариушни Дастин Порьега қарши октагонга чиқишини истайман. Унга собиқ вақтинчалик чемпион билан жанг қилиш имкониятини берган бўлардим. Агар Бенеил Дастинни мағлуб этса, у чемпионлик учун навбатдаги даъвогарга айланади", — дея Кормьенинг сўзларидан иқтибос келтиради Sportskeeda.