Кормье Махачевнинг Маддаленага қарши жангдаги мақомидан норози

"Агар сиз Исламнинг сўнгги видео ва суратларини кўрган бўлсангиз, у гавда жиҳатидан йириклашди. У Жек Делла Маддалена исмли монстрдан ўтмоқчи бўлса, янада каттароқ бўлиши керак. Уларнинг ҳар иккиси ҳам олдинда қандай чақириқ кутаётганини тушуниб туришибди. Жек гавдасининг тузилиши жиҳатидан йирик, жисмонан бақувват, юқори даражадаги тейкдаунлардан ҳимояга ҳам эга.

Дунё ММА аҳли ҳамда букмекерлар бу жанг ҳақида қандай фикрда эканликларини билишга жуда қизиқаман. Эҳ-ҳе! Учтадан биттаси Ислам фойдасига деяпти. Бу мен кутганимдан ҳам кўпроқ. Ўйлайманки, кўпчилик Жекка тикади. Сабаби, Ислам жуссаси кичикроқ, у учун янги оғир вазн. Енгил вазндан кўтарилиб, ўз дивизионининг қироли билан тўқнаш келяпти", - деди икки карра собиқ UFC чемпиони Кормье.

Маълумот учун, яримўрта вазн чемпиони Жек Делла Маддалена ҳамда собиқ енгил вазн чемпиони Ислам Махачев ўртасидаги жанг 15 ноябрь куни Нью-Йорк шаҳридаги "Мэдисон Сквер Гарден" аренада ташкил этиладиган UFC 322 турнири доирасида ўтказилади.