10 дек 14:45
Янгиликлар

Бокс/ММА

"Коррупция, талончилик ва ўғрилик". Кремлёв Томас Бахни истеъфога чиқаришга чақирди

Халқаро бокс ассоциацияси (IBA) президенти Умар Кремлёв Халқаро олимпия қўмитаси президенти Томас Бахни четлатиш кераклигини айтди.

"Томас Бах ўз лавозимга муносиб эмас. У ишдан кетиши керак. Ташкилотда коррупциядан ташқари талончилик ва ўғрилик бор. Спортчилар шу иллатлардан азият чекишмоқда. Ҳозир спортчилар худди гладиатор ва қуллардек бўлиб қолишган. Олимпиада учун атлетларга пул берилмайди. Бу уларни функционерлар, яъни МОҚ раҳбарлари олишмоқда. Улар миллионлаб доллар маош олишяпти, чартер самолётларда учишяпти. Бу ҳаражатлар учун олимпия оиласи пул тўламоқда. Буларнинг бари Бахнинг яхши яшаб, ейиши учун қилинаётган ишлар. Бах спортчиларни тунаяпти. Мен ундан қўрқмайман", – деди Кремлёв IBA Конгрессида.