20 окт 09:44
Янгиликлар

Бокс/ММА

Ковингтон ва Диллон Дэнис яна учрашади (ПОСТЕР)

Америкалик Колби Ковингтон 3 ноябрь куни Римда бўлиб ўтадиган Hype Fighting турнирида Диллон Дэнисга қарши грэпплинг баҳсида иштирок этади.

Бу икки спортчининг ўзаро иккинчи учрашуви бўлади.

Hype Fighting ушбу баҳс грэпплинг қоидалари асосида ўтказилишини расман эълон қилди. Унга кўра, ғалаба фақат рақибни таслим бўлишга мажбур қилиш орқали қўлга киритилади.

Ковингтон учун Римдаги баҳс Абу-Дабидаги навбатдаги чиқишидан 11 кун олдин бўлиб ўтади. 14 ноябрь куни у RAF турнирида Хамзат Чимаевга қарши RAF Crossover’нинг крузервейт вазнидаги чемпионлик унвонини ҳимоя қилиши керак.

Диллон Дэнис эса март ойидаги мағлубият учун реванш олиш имкониятига эга бўлади. Ўша RAF турниридаги баҳсда у Ковингтонга техник устунлик бўйича имкониятни бой берган эди.