Кравченко, Дорофеев ва бошқалар. "Ҳумо"нинг тўрт нафар россиялик хоккейчиси маҳаллийлаштирилиб, ЖЧда иштирок этадиган Ўзбекистон терма жамоасига чақирилди

"Ўзбекистон миллий терма жамоаси тарихда илк бор IIHF бошчилигидаги Жаҳон чемпионатида иштирок этади. Терма жамоамиз IV дивизионда ўйнайди, турнир 13 апрелдан 19 апрелгача Арманистон пойтахти Ереванда бўлиб ўтади. "Ҳумо" жамоасининг жорий таркибидан миллий терма жамоага 6 нафар хоккейчи чақирилди: ҳимоячилар Даниэль Коган ва Артём Мальцев, ҳужумчилар Жавоҳир Расулов, Егор Дорофеев, Василий Жилов ва Вадим Кравченко. Ўзбекистон терма жамоасининг рақиблари Арманистон, Қувайт, Эрон, Малайзия ва Индонезия терма жамоалари бўлади. Жамоамиз турнирга 11 апрель, жума куни йўл олади. Йигитларга Ўзбекистонни жаҳон саҳнасида муносиб ҳимоя қилишда омад тилаймиз!", дейилади хабарда.

Маълумот ўрнида, Артём Мальцев, Егор Дорофеев, Василий Жилов ҳамда Вадим Кравченконинг фуқаролиги Россияга тегишли эди. Даниэль Коган эса илгарироқ маҳаллийлаштирилганди.