Крикет бўйича Ўзбекистон очиқ чемпионатида ғолиб аниқланди ФОТОГАЛЕРЕЯ

Ўзбекистон крикет федерациясининг йиллик-тақвим режасидан ўрин олган мусобақада Тошкентнинг "АNFA", "Indian cricket Tashkent Club", "Tashkent super kings", "Tashkent super stars", Қашқадарё вилоятининг "Barlos" ҳамда  Фарғонанинг "Fergana Rangers" жамоалари бош соврин учун ўзаро баҳс олиб боришди. 

Бир ҳафта давом этган чемпионатда рақиб жамоаларини ортда қолдира олган Тошкентнинг "Tashkent Super Stars" ҳамда Фарғонанинг "Fergana Rangers" жамоалари финалгача етиб келди. Ҳал қилувчи финал учрашувида 187:128 ҳисобида ғалаба қозонган "Fergana Rangers" жамоаси биринчи ўринни қўлга киритди. 

Чемпионатининг тақдирлаш маросимида Ўзбекистон крикет федерацияси бош котиби Фазлиддин Ибодуллаев иштирок этиб, биринчи ўрин учун ажратилган 25 000 000 сўм пул мукофоти ҳамда кубокни "Fergana Rangers" жамоасига тантанали тарзда топширди. 

Шу тариқа крикет бўйича Т20 форматдаги Ўзбекистон очиқ чемпионатининг биринчи мавсум беллашувлари якунланди. Ушбу очиқ чемпионат миллий терма жамоага саралаш вазифасини ҳам ўтаб берди. 

Илҳом РАҲМОНОВ тайёрлади