Крикетчиларимиз Қобулда Афғонистон билан ўртоқлик ўйини ўтказишди

Шунингдек, крикет ривожланган давлатлар билан ҳамкорлик алоқалари йўлга қўйилиб, ушбу ҳамкорлик натижасида крикет бўйича мамлакатимиз клублари ҳамда миллий терма жамоамиз халқаро мусобақаларда иштирок этишни бошлади.

Хусусан, Муртоза Чуғтой бошчилигидаги Ўзбекистон миллий терма жамоаси Афғонистон пойтахти Қобул шаҳрида Афғонистон миллий терма жамоасига қарши Т20 форматидаги ўртоқлик учрашувида майдонга тушди.

Мазкур беллашувда мезбон жамоа ғалаба қозонган бўлса-да, ушбу учрашув терма жамоамиз учун халқаро майдон муҳитига мослашиш, тажриба тўплаш ҳамда келгуси мусобақаларга муносиб тайёргарлик кўриш йўлида муҳим аҳамият касб этди.

Ишонамизки, миллий терма жамоамиз келгусида халқаро ареналарда Ўзбекистон шарафини муносиб ҳимоя қилиб, Ватанимиз байроғини янада баланд ҳилпиратиб, давлат мадҳиямизни дунё ареналарида баралла янгратишга муносиб ҳисса қўшади. 

Илҳом РАҲМОНОВ тайёрлади