25 янв 17:50
Янгиликлар
Футбол
"Криштиану йиғлагудек ҳолатда эди". Каранка Моуринью ва Роналду ўртасидаги жанжал тафсилотларини ошкор қилди
Мадриднинг "Реал" клубида Жозе Моуриньюнинг ёрдамчиси бўлиб ишлаган Айтор Каранка португалиялик мутахассис ва жамоанинг ўша пайтдаги юлдузи Криштиану Роналду ўртасида кечган кескин суҳбат ҳақида гапириб берди.
"Испания Кубоги доирасидаги "Валенсия"га қарши ўйиндан сўнг Моуринью Криштиануга танбеҳ берди. Роналду эса барчанинг кўз ўнгида, деярли йиғлагудек ҳолатда унга жавоб қайтарди: "Мен сени шунчалик қўллаб-қувватлаган эдим-а...".
Балки, Жозе айнан шундай реакцияни келтириб чиқариш учун бу ишни қилгандир. Мен сени бутун кийиниш хонаси олдида койияпман, чунки сен менинг энг ишонган инсонимсан. Жозе ва биз мураббийлар штаби сифатида қабул қилган ҳар бир қарор фақат жамоа манфаати учун эди", — дея Каранканинг сўзларини келтирмоқда "Marca".
Эслатиб ўтамиз, Жозе Моуринью 2010 йилдан 2013 йилгача "Қироллик клуби"ни бошқарган.
Ҳавола :
Фикрлар