25 май 12:16
Янгиликлар

Футбол

Кроос нима сабабдан фаолиятининг чўққисида бутсаларини "михга" илишини тушунтирди

Мадриднинг "Реал" клуби футболчиси Тони Кроос нима сабабдан 34 ёшида фаолиятини якунлашга қарор қилганини тушунтириб берди.

"Одамлар менга аввалги Кроос қани деб савол беришларини истамайман. Мен 2-3 йил давомида захира футболчиси бўлиб қолишни хоҳламайман. Мен шу каби саволлар ҳамда захира футболчиси бўлиб қолмасдан фаолиятимни якунлаётганимдан хурсандман", — дея фикр билдирган Кроос.

Маълумот учун, Тони Кроос 2014 йилда "Бавария"дан "Реал Мадрид"га кўчиб ўтган. У шу вақт оралиғида "Қироллик клуби" сафида 463 та учрашувда майдонга тушган. Унинг ҳисобида 28 та гол ва 98 та голли узатма бор.