Кроуфорд Мадримовнинг қайси жиҳатидан ҳайрон қолганини айтди

"Мен доимий равишда унга ўз жебларимни бериб турдим. Бу бутун жанг давомида уни безовта қилди. Аммо Мадримов ўнг қўли билан бир неча яхши зарбалар берди ва бу ҳакамларга яхши кўринди. Бошқа нарса кўрмадим.

Бу йигит жуда яхши ҳаракат қилишини, кучли ва чидамли эканлигинии билардик. Агар ҳайрон қолдирган жиҳати ҳақида гапирсак, бу - унинг сабри. У ҳақиқатдан ҳам охиригача чидади. У профда 10 та жанг ўтказганидан ҳайрон қолдим демаган бўлардим, чунки у ҳаваскорда 300 га яқин жанг қилган. У қандай жанг қилишни билади ва хатолардан жуда яхши ҳулоса чиқаради", - деди Кроуфорд.