Кубадаги "IBA Чемпионлар оқшоми" рингга кўтарилган ҳар икки боксчимизда ҳам мағлубият

Биз учун аҳамиятлиси, турнир кардида икки боксчимиз - Мадияр Саидраҳимов ва Мужибилло Турсуновлар ҳам рингга кўтарилди. Мужибилло Турсунов олти раунд тўлиқ давом этган жангда ҳам Олимпия ўйинларининг уч карра бронза медали совриндори, уч карра жаҳон чемпиони, кубалик Ласаро Альваресга имкониятни бой берди. 

Мадияр Саидраҳимов эса оқшомнинг марказий жангида Олимпия ўйинларининг икки карра ғолиби, беш карра жаҳон чемпиони Хулио Сезар ла Крусга қарши рингга чиқди. Жанг олдидан ҳар икки давлат мадҳиялари янгради. Ўн раунд тўлиқ давом этган жангда ҳакамлар бир овоздан ғалабани мезбон боксчига беришди.

Умуман олганда, жаҳон ва Куба бокси юлдузлари ўртасидаги қарама-қаршиликнинг барча жангларида ринг эгалари зафар қучишди.