02 ноя 17:11
Янгиликлар

Дзюдо

Кучли Бразилия терма жамоаси мағлуб этилди

Францияда ўтказилаётган дзюдо бўйича Ҳарбийлар ўртасидаги 40-жаҳон чемпионатининг жамоавий баҳслари бошланди.

Ҳозиргина Ўзбекистон терма жамоаси чорак финал баҳсида анча кучли ҳисобланган Бразилияни 3:2 ҳисобида мағлуб этди. Қийин ва мураккаб ғалаба қўлга киритилди. Ҳикматуллоҳ Тўраев, Артём Штурбабин ва Обидхон Номонов терма жамоамизни ярим финалга олиб чиққан ғалабаларни тақдим этишди.

Айниқса, Номонов беллашув якунланишига беш сония қолган бир пайтда иппон эвазига бразилиялик рақибидан ғалабани тортиб олди. Обидхон вазари баҳоси билан ютқазаётган эди. Энди терма жамоамиз ярим финалда Тунис - Австрия баҳси ғолибига қарши курашади.