UZ

Сўнгги янгиликлар

14:12Алжамейн Стерлинг Волкановски билан жанг қилиб, икки вазн тоифасида чемпион бўлмоқчи 0 13:00Самбочиларимиз ШҲТ Очиқ турнирини умумжамоа ҳисобида биринчи ўринда якунлашди 0 12:05Ўзбекистон мезбонлик қиладиган U-17 Осиё кубогининг барча иштирокчилари маълум бўлди 0 11:12Жошуа Тайсонни нокаутга учратишга ваъда берди 0 10:24Амирхон Алихўжаев кейинги жангини Хотамбек Бойназаровнинг собиқ рақибига қарши ўтказади 0 09:55Руслан Абдуллаев олтинчи ғалабасини олтинчи раундда қўлга киритди 0 09:33"Манчестер Юнайтед" Почеттинони таклиф қилиш учун қанча тўлагани маълум бўлди 0 08:35Миршоҳид Тиллабоев — WORLD BOXING вице-президенти! 0 07:22Дзюдо. Саъдулла Равшанов жаҳон чемпионатининг кумуш медалига эга чиқди 0 20:05Хоригучи Асу Алмабаевга қарши жанг олдидан ўз устунликларини санаб ўтди 0 19:30Футболчи ҳакамга тош отгани учун 8 йилга дисквалификация қилинди 0 18:47Асламжон Ортиқовнинг Асадулла Имангазалиевга қарши реванш жанги тўлиқ давом этди 0 18:12Олимпия ўйинларида эркаклар боксига ҳимоя шлемлари қайтарилиши мумкин 0 17:05Илия Топурияга UFC'да вазн тоифасини ўзгартириш таклиф қилинди 0 16:16Баходир Жалолов Деонтей Уайлдерга рақиб сифатида таклиф қилинди 0

19 фев 10:37
Янгиликлар

Теннис, Бошқалар, Болалар спорти

Кучлилар аниқланди, навбат баскетболга+ФОТО

Навоий кон-металлургия комбинатига қарашли “Сўғдиёна” спорт мажмуаси ҳамда Навоий давлат кончилик институти қошидаги иккинчи Навоий академик лицейи спорт залида “Баркамол авлод спорт жамоалари” дастуридан ўрин олган спортнинг бадминтон ва стол тенниси турлари бўйича Республика финал босқичи бўлиб ўтди.

“Баркамол авлод” жисмоний тарбия ва спорт жамияти Марказий кенгаши томонидан ва қатор мутассади ташкилотлар ҳамкорлигида ташкил этилган ўрта махсус, касб-ҳунар таълим муассасаларида таҳсил олаётган ўқувчилар ўртасидаги мазкур бадминтон ва стол тенниси спорт турлари бўйича IV босқичли “Баркамол авлод спорт жамоалари” мусобақаларининг Республика финал беллашувларида ғолиб ва совриндорлар аниқланди. 

“Сўғдиёна” спорт мажмуасида бўлиб ўтган стол тенниси баҳсларида Қорақалпоғистон Республикаси, Тошкент шаҳри ва барча вилоятлардан 28 нафар спортчи-ўқувчи икки кун давомида ўз имкониятларини синовдан ўтказишди. 

Мусобақа давомида Тошкент шаҳри, Тошкент ва Хоразм вилоятлари жамоаларининг устунлиги яқққол сезилиб турди. Беллашувнинг якуний натижаларига кўра, ўғил болалар ўртасида Руслан Ҳамзаев (Тошкент в.) биринчи, Муҳаммад Ўктамбоев (Хоразм) иккинчи, Дониёр Маҳкамов (Тошкент ш.) учинчи ўринни банд этди. 

Қизлар ўртасида Комила Холиқова (Тошкент в.) биринчи, Мадинабону Маткаримова (Хоразм) иккинчи, Роза Хаджиева (Тошкент в.) учинчи ўринларни эгаллади. 

Навоий давлат кончилик институти қошидаги 2- Навоий академик лицейи спорт залида ўтган бадминтон баҳсларида ҳам барча ҳудудлардан келган 28 нафар ўғил-қиз шоҳсупадан ўрин олиш мақсадида бор имкониятларини ишга солишди. 

Мусобақа якунида қуйдаги спортчи-ўқувчилар кучли учликдан жой олишди:

Ўғил болалар: 1. Темур Тўрахонов (Тошкент ш.), 2. Санжар Бобоқулов (Навоий), 3. Билолиддин Қўчқоров (Андижон).

Қизлар: 1. Ширин Шавкатова (Тошкент ш.), 2. Зайнаб Қодирова (Навоий), 3. Моҳигул Каримова (Андижон).

Ҳар иккала спорт тури бўйича ғолиб ва совриндорлар аниқлангач, «Суғдиёна» спорт мажмуасида тантанали тарзда тақдирлаш маросими бўлиб ўтди. Шохсупадан жой олган ўқувчилар Ўзбекистон “Баркамол авлод” жисмоний тарбия ва спорт жамияти Марказий кенгаши томонидандиплом, медаль ва қимматбаҳо эсдалик совғалари билан тақдирланишди. 

Эслатиб ўтамиз, “Баркамол авлод спорт жамоалари” дастуридан ўрин олган навбатдаги финал босқичи жорий йилнинг кейинги ойида Бухоро вилоятида бўлиб ўтади. Унда жамоалар баскетбол бўйича куч синашишади. Айни пайтда ушбу спорт туридан саралаш босқичлари давом этмоқда.

Илҳом Раҳмонов тайёрлади


Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг