Кучлилар Ёзёвонда сараланмоқда

Ўзбекистон Республикаси Спорт вазирлиги ҳамда Ўзбекистон белбоғли кураш федерациясининг йиллик-тақвимидаги мазкур чемпионатда мамлакатимизнинг барча ҳудудларидан 400 нафардан ортиқ полвонлар иштирок этишмоқда.

Мусобақада дастлаб тантанали очилиш маросими ташкил этилди. Табрик учун сўз олган Фарғона вилояти спорт бошқармаси бошлиғи Нодиржон Ҳакимов, Ўзбекистон белбоғли кураш федерацияси бош котиби Абдухалил Маликов, Ёзёвон туман ҳокими ўринбосари Шероз Мирзалиевлар жисмоний тарбия ва спортнинг аҳоли орасида оммавийлигини таъминлашга, спорт турларига, хусусан, миллий спорт турларига алоҳида эътибор қаратилаётгани хусусида таъкидлаб, спортчиларга мусобақада муваффақият тилашди.

Шу тариқа катталар ва ўсмирлар ўртасидаги мазкур мусобақага старт берилди. Беллашувлар 7 ноябргача давом этади.

Илҳом РАҲМОНОВ тайёрлади