24 окт 21:12
Янгиликлар
Оғир атлетика
Кумушхон Файзуллаевадан 3 та олтин медаль ва жаҳон рекордлари
Корея Халқ Демократик Республикасида оғир атлетика бўйича ўсмирлар ва ёшлар ўртасида Осиё чемпионати давом этмоқда.
Бугун ёшлар ўртасида -64 килограмм вазн тоифасида иштирок этган қизимиз Кумушхон Файзуллаева 3 йўналишда олтин медалларни ўз ҳисобига ёзиб қўйди.
17 ёшли вакиламиз даст кўтаришда 97 кг, силтаб кўтаришда 125 кг, икки кураш натижасида эса 222 килограмм натижа билан қитъа чемпионлигини қўлга киритди. Яна бир аҳамиятли жиҳати ҳамюртимиз бу натижа билан ўсмирлар ўртасида даст кўтаришда ўзига тегишли жаҳон рекордини такрорлаган бўлса, силтаб кўтариш ва икки кураш бўйича янги жаҳон рекордларини ўрнатишга ҳам муваффақ бўлди.
Таъкидлаш жоиз, бу натижа спортчимизга Токио Олимпиадаси йўлланмаси учун қимматли рейтинг очколарини ҳам тақдим этади.
Ҳавола :
Манба : olympic.uz
Фикрлар