Кун тарихи: Ёзги Олимпия ўйинларидаги илк олтин медалимизга 20 йил бўлди

Эътиборлиси, Олимпиаданинг сўнгги кун дастурида Ўзбекистон делегацияси бир йўла 4 та: 1 тадан олтин ҳамда кумуш ва 2 та бронза медалларини қўлга киритган. Бу билан жамоамиз Олимпия ўйинларини умумжамоа ҳисобида 43-ўринда тугатган эди.

Афсонавий боксчимиз Муҳаммадқодир Абдуллаевнинг -63.5 кг вазн тоифасида қўлга киритган олтин медали мустақил Ўзбекистоннинг ёзги Олимпиадалардаги дастлабки ғалабаси сифатида тарихдан жой олди. Шунингдек, ушбу санада ўша пайтда 21 ёш бўлган Артур Таймазов эркин кураш баҳсларининг энг оғир вазн тоифасида кумуш медалга сазовор бўлган. Кейинги Олимпиадаларда Артур Таймазов қандай иштирок этганини яхши биласиз. Қолаверса, ушбу санада боксчиларимиз Сергей Михайлов (-81 кг) ҳамда Рустам Саидов (-91 кг) бронза медаллари билан тақдирланишган. Гарчи уларнинг ярим финал жанглари бир неча кун аввал ўтказилган бўлса ҳам, тақдирлаш маросими айнан 2000 йилнинг 1 октябрь санасига тўғри келади.

Келинг, ўша онларни яна бир карра ёдга оламиз: