Кураш ва ўқ отиш спорт турларини ривожлантириш бўйича тақдимот ўтказилди

Дастлаб, кураш спорт турини ривожлантириш бўйича ишлаб чиқилган қарор лойиҳаси кўриб чиқилиб, унда мазкур спорт турини янада оммалаштириш, бу орқали иқтидорли ёшларни селекция қилиш тизимини яхшилаш масалалари муҳокама қилинди.

Шундан сўнг, ўқ отиш спорт турини ривожлантириш бўйича  ишлаб чиқилган қарор лойиҳаси муҳокама қилинди. Лойиҳа ўқ отиш спорт тури оммавийлигини ошириш, иқтидорли спортчиларни саралаб олишни такомиллаштириш ҳамда уларни тайёрлашнинг янги тизимини йўлга қўйиш, шунингдек, ўқ отиш спорт тури бўйича инфратузилмасини яхшилаш мақсадида ишлаб чиқилган.

Тақдимот якунида Спорт вазири Адҳам Икрамов соҳани янада ривожлантириш бўйича масъулларга зарур тавсия ва кўрсатмалар берди.