10 июл 18:40
Янгиликлар

Спорт курашлари

Курашчи-қизларимиз Осиё чемпионатида янги саҳифа очишди + ФОТО

Манама шаҳри (Баҳрайн) мезбонлик қилаётган спорт курашлари бўйича ўсмирлар ва ёшлар ўртасидаги Осиё чемпионати ўз якуни сари яқинлашяпти.

Эслатиб ўтамиз, қитъа чемпионатида баҳс олиб борган аёллар кураши терма жамоамиз аъзоларидан 4 нафари якунда шоҳсупага кўтарилганди. -57 кг вазн тоифасида гиламга чиққан Лайлохон Собирова барча рақибаларини мағлубиятга учратиб, Осиё чемпионлигини қўлга киритди.

-53 кг вазн тоифасидаги Дилшoда Матназарова айлана тизимда ўтган беллашувлар якунида кумуш медалга сазовор бўлган бўлса, -62 кг вазнда курашган Рушана Абдирасулова ҳамда Фируза Есенбаева (68 кг) бронза медали билан тақдирланди.

Шу тариқа, курашчи қизларимиз қитъа биринчилигини 1 тадан олтин ва кумуш, шунингдек, 2 та бронза медали билан якунлашди. Аҳамиятлиси, ушбу натижа билан аёллар терма жамоамиз Япония ва Ҳиндистондан сўнг умумжамоа ҳисобида учинчи ўринни эгаллади.