18 июн 07:54
Янгиликлар
Кураш
Курашчиларимиз Осиё чемпионатида қатнашиш учун Таиландга жўнаб кетишди
19-20 июнь кунлари Таиланднинг Паттайя шаҳрида кураш бўйича 20 ёшгача бўлган полвонлар ўртасида Осиё чемпионати ўтказилади.
Кеча Ўзбекистон терма жамоаси ушбу мусобақада иштирок этиш учун Таиландга жўнаб кетди.
Дунёнинг 20 мамлакатидан 200 нафардан ортиқ полвонлар ташриф буюриши кутилаётган қитъа биринчилигида 30 нафар ёш умидли курашчиларимиз иштирок этишади.
Шунингдек, Осиё чемпионати доирасида бугун, 18 июнь куни Осиё-Океания кураш конфедерациясининг навбатдаги Конгресс йиғилиши ҳам бўлиб ўтади. Унда конфедерацияга Лаос, Бангладеш, Қирғизистон каби янги федерациялар аъзоликка қабул қилиниши кутилмоқда.
Ҳавола :
Манба : minsport.uz
Фикрлар