Курашчиларимиз Паҳлавон Маҳмуд турнири учун Эронга етиб боришди + ФОТО

Ўзбекистон Республикаси Президенти соврини учун Паҳлавон Маҳмуд хотирасига бағишлаб ўтказилаётган халқаро турнирида дунёнинг кўплаб давлатларидан сара курашчилар гиламга чиқади. Ризамат Солиев мураббийлигидаги кураш бўйича терма жамоамиз Эрон давлатига етиб борди.

Терма жамоамиз таркиби: Умар Бозоров, Алихон Нодиров, Асрор Ҳамидов, Муҳсин Ҳисомиддинов.

Кураш баҳслари 50 000 томошабинга мулжалланган "Zeinal-Khan Traditional Wrestling Arena"да бўлиб ўтади. Курашчилар 2 та вазн тоифасида гиламга чиқишяпти. -90 кг ва +90 кг вазн тоифаларида ҳар бир давлатдан 2 нафардан курашчи иштирок этиши мумкин.

Мусобақанинг умумий мукофот жамғармаси 10 000 АҚШ доллари бўлиб, ғолиблар 3000 долларга эга бўлишади. Кумуш медаль соҳиблари 1000, бронза медалга эга чиққанлар ўз ҳамёнларини 500 долларга бойитиб олишади.