06 апр 14:12
Янгиликлар

Спорт курашлари

Курашчиларимиз шифокорларнинг доимий назоратида ФОТОГАЛЕРЕЯ

Коронавирус пандемияси бутун дунёга муқаррар хавф солаётган бугунги синовли кунларда спортчиларимиз уй шароитида машғулотларни давом эттиришяпти.

Жумладан, Ўзбекистон спорт курашлари терма жамоаси аъзолари ҳам мустақил равишда машғулот ўтказишяпти. Машғулотлар асосан спорт формасини сақлаб туриш учун йўналтирилган.

Терма жамоа шифокорлари ва мураббийлар эса уларни доимий тарзда назорат қилиб боришмоқда. Курашчиларимиз ҳар куни эрталаб ва кечқурун тана ҳароратлари ҳақидаги маълумотларни махсус очилган телеграм каналига жўнатишяпти.