Кутганмидингиз? Расман: Тошкент-2025 III ёшлар ўртасидаги Осиё ўйинлари бекор қилинди!

"III Осиё ёшлар ўйинлари Бахрайнга кўчирилди. Мусобақа 2025 йилда ўтказилади.

Осиё Олимпия кенгаши Ўзбекистон пойтахти Тошкентда ўтказилиши режалаштирилган ёшлар ўртасидаги III Осиё ўйинлари бекор қилинганини эълон қилади. 2024 йилнинг 2 декабрь куни бўлиб ўтган Ижроия кенгаши йиғилишида қабул қилинган қарорга кўра, мусобақа энди 2025 йилда Баҳрайн томонидан ўтказилади", дейилади расмий хабарда.

Мусобақа бекор қилингани сабаблари ҳозирча аниқ эмас. Катта эҳтимол инфратузилмалар ва қурилиш ишлари билан боғлиқ ҳолат бўлиши мумкин. Боиси, ҳар қандай комплекс мусобақа олдидан объектларни текшириб олиш учун тест режимидаги турнирлар ўтказилади. Осиё ўйинларига эса кўп вақт қолмаган. 

Ўзбекистон Миллий олимпия қўмитасидан тез орада расмий муносабат кутиб қоламиз.