27 июн 09:40
Янгиликлар

Бокс/ММА

Кутилмаган хабар! Миша Тейт - Лорен Мерфи жанги бекор қилинди

2 июль куни АҚШнинг Лас-Вегас шаҳрида ўтказиладиган UFC 276 турнири битта муҳим жангдан маҳрум бўлди.

Аёллар енгил вазн тоифасида Миша Тейт ва Лорен Мерфи ўртасида ўтказилиши белгиланган жанг UFC 276 турнири кардидан чиқарилди. Бу ҳақда расман ташкилот вакиллари хабар беришди. Лекин жангнинг бекор бўлиш сабаблари очиқланмаган.

Таниқли спорт шарҳловчиси Ариэль Хельванининг айтишича, жангнинг бекор бўлишига Мерфи сабабчи экан. Матчмейкерлар қисқа муддатда Мишага рақиб топа олишмаган. Агар Тейт ушбу жангда ғалаба қозонганида, чемпион Валентина Шевченконинг навбатдаги рақибига айланар эди.

Эслатиб ўтамиз, UFC 276 турнирининг марказий жангида ўрта вазн тоифаси чемпиони Исраэль Адесанья ўз камарини даъвогар Жаред Каннонирдан ҳимоя қилади.