"Квартира, 250 миллион ва давлат мукофоти". Нодирбек Абдусатторовни тақдирлаш маросими бўлиб ўтди + ФОТО

Бугун, 3 январь куни Миллий олимпия қўмитасида шахматчиларимизни тақдирлаш маросими ташкил этилди. 

Унда Ўзбекистон Республикаси Президенти админстрацияси раҳбари ўринбосари - Президент матбуот котиби Шерзод Асадов, Президент маслаҳатчиси Абдужаббор Абдувоҳидов, Бош вазир ўринбосари - Туризм ва спорт вазири Азиз Абдуҳакимов, шахматчилар, ОАВ ходимлари ва бошқалар иштирок этишди. 

Тадбир давомида жаҳон чемпиони Нодирбек Абдусатторовга Президент Шавкат Мирзиёевнинг табриги ўқиб эшиттирилди ва унга "Мард ўғлон" давлат мукофоти топширилди. 

Шунингдек, унга Тошкент шаҳридан икки хонали уйнинг калити, 250 миллион сўм тақдим этилди. 

Бундан ташқари, жаҳон чемпионатида иштирок этган бошқа шахматчиларимиз, Жавоҳир Синдаровга 50 миллион сўм, Шамсиддин Воҳидовга 25 миллион сўм, Нодирбекнинг мураббийи Жаҳонгир Ваҳидовга 100 миллион, унинг марҳум мураббийи Дмитрий Қаюмовнинг оиласига 100 миллион сўм тақдим этилди. 

Тадбирдан олинган суратларни томоша қилинг.