Ла Лига. Бугун "Барселона" ўйнайди

Бугун чемпионатда етакчилик қилаётган "Барселона" бош аутсайдерлардан ҳисобланган "Мальорка" майдонига сафар уюштиради.

Хўш, "Барселона" "Реал"дан икки очко кўп жамғарган ҳолда, жадвалда етакчилик қилмоқда. Аммо, "Барса"нинг мағлубияти ва "Реал"нинг ғалабаси бу ўринларни алмашишга олиб келади. Шунингдек, чемпионлик учун курашга учинчи жамоанинг қўшилиши қийин масала. Бунинг учун икки гранд очколар йўқотиши керак. "Кўк-анорранглилар" бугунги ўйинга яхши кайфиятда келишган. Сабаби Луис Суарес сафга қайтган. Жароҳати борлиги айтилган Лионель Месси ҳам ўйинга 100% тайёр.

"Мальорка"нинг эса ўз мақсадлари бор. "Қизил-қоралар" хавфли ҳудудда туришибди (18-ўрин). Бундан ташқари, Висене Морено шогирдлари паузага қадар мунтазам очколарни қўлган киритишди. Сўнгги 5та ўйинда 2та ғалаба, 1та дуранг ва 2та мағлубият. Аммо, умидсизликка тушишга ҳожат йўқ. Ҳаммаси жамоанинг ўз қўлида. 17-ўриндаги "Сельта" билан орадаги фарқ атиги 1 очко ташкил этади. Шунга қарамасдан, "Мальорка"нинг "Барселона" билан ўйинда очко олиш эҳтимоли жуда кам.

Эслатиб ўтамиз, бугун бўлиб ўтадиган "Мальорка" ва "Барселона" жамоалари ўртасидаги ўйин championat.asia томонидан матнли трансляция қилинади.

ЛА ЛИГА ТУРНИР ЖАДВАЛИ ВА ТЎПУРАРЛАР РЎЙХАТИ БИЛАН ТАНИШИНГ